Table of Contents
গিজাৰ তিনিটা মহান পিৰামিড
ইজিপ্তৰ পিৰামিডবোৰ বহু হাজাৰ বছৰ পুৰণি। ইজিপ্তত বৰ্তমানলৈকে 140টা পিৰামিড আৱিষ্কাৰ কৰা হৈছে। এইবোৰ প্ৰকৃততে মিচৰৰ পুৰণি ৰজাসকলৰ সমাধিস্থল। যিবোৰ তেওঁলোকৰ মৃত্যুৰ পিছত তেওঁলোকৰ স্মৃতিৰ বাবে নিৰ্মাণ কৰা হৈছিল। গিজাৰ পিৰামিডকে আটাইতকৈ পুৰণি, বৃহৎ আৰু বিশেষ স্থাপত্য হিচাপে জনা যায়। ইয়াৰ পৰিসৰৰ ভিতৰত তিনিটা পিৰামিড নিৰ্মাণ কৰা হৈছিল। এই তিনিটা পিৰামিডত Khufu ৰ উত্তৰাধিকাৰী আৰু চতুৰ্থ বংশৰ আঠজন ৰজাৰ সমাধি নিৰ্মাণ কৰা হৈছিল। প্ৰবাদ অনুসৰি, খ্ৰীষ্টীয় ২৯৫০ বছৰ আগতে মাটিত গাঁত খান্দি এটা ফ্ৰেম নিৰ্মাণ কৰা হৈছিল। যি সমতল চাঁদৰ দৰে আছিল। য’ত মামিবোৰ ৰখা হৈছিল আৰু ইয়াক মস্তাৱা বুলি কোৱা হৈছিল। ই আচলতে একপ্ৰকাৰৰ সমাধিস্থল আছিল, যাক পিৰামিডৰ প্ৰাৰম্ভিক কালত নিৰ্মাণ কৰা হৈছিল।
গিজাৰ মহান পিৰামিড
ৰজা Khufu ৱে গিজাৰ মহান পিৰামিড নিৰ্মাণ কৰিছিল। কোৱা হয় যে গিজাৰ এই পিৰামিডটো প্ৰথমে দাহছুৰত নিৰ্মাণ কৰাৰ কথা আছিল যদিও তাত আগৰে পৰা পিৰামিড নিৰ্মাণ কৰা আছিল। লগতে ইমান ডাঙৰ আৰু ধুনীয়া পিৰামিড নিৰ্মাণ কৰিবলৈ তাত ঠাইৰো অভাৱ আছিল। গতিকে এই পৰিস্থিতিত গিজাক নিৰ্বাচিত কৰা হৈছিল। গিজাক বাছি লোৱাৰ এটা বিশেষ কাৰণো আছিল। সেয়া হ’ল, ইয়াৰ কঠিন মাটি। যিয়ে এটা শক্তিশালী পিৰামিড গঠন নিৰ্মাণত সহায় কৰিছিল। ইয়াৰ মাটিত এনে শক্তি আছিল যাৰ ফলত হাজাৰ হাজাৰ বছৰ ধৰি পিৰামিড স্থিৰ হৈ থাকিব পাৰিব।
তেইশ লাখ শিল ব্যৱহাৰ কৰি গিজাৰ মহান পিৰামিড নিৰ্মাণ কৰা হৈছিল। পিৰামিডত ব্যৱহাৰ কৰা চূণশিল আৰু গ্ৰেনাইট শিলবোৰো আছিল অনন্য। এইবোৰ এনে শিল আছিল যিবোৰ মিচৰৰ বাহিৰে আন ক’তো পোৱা নাযায়। ৪৫ শ বছৰৰ পাছতো এই পিৰামিডবোৰ দৃঢ়ভাৱে থিয় হৈ থকাৰ মূল কাৰণটোৱে হ’ল এই শিলবোৰ। এইবোৰত মোৰ্টাৰ শিলৰ ব্যৱহাৰ কৰা হৈছে। যিবোৰ আন শিলতকৈ সম্পূৰ্ণ পৃথক আৰু শক্তিশালী, যাৰ বাবে গিজাৰ এই মহান পিৰামিডৰ মুঠ ওজন 5.5 বিলিয়ন কিলোগ্ৰাম।
গিজাৰ কেম্পাছত তিনিটা পিৰামিড নিৰ্মাণ কৰা হৈছিল যিবোৰক Ancient Monument হিচাপে ঘোষণা কৰা হৈছে। গিজাত থকা এই তিনিটা পিৰামিড প্ৰাচীন ইজিপ্তবাসীয়ে এনেদৰে বনাইছিল যে এই তিনিওটা পিৰামিড একেটা শাৰীতে থিয় হৈ আছিল। যাক আচলতে ড্ৰোন, ব্লু প্ৰিণ্ট আৰু কম্পিউটাৰৰ সহায় অবিহনে নিৰ্মাণ কৰা সম্ভৱ নাছিল। তেওঁলোকে এই তিনিটা পিৰামিডক একে ৰেখাত বনাবলৈ ধ্ৰুৱ তৰাকে আৰম্ভ কৰি সূৰ্য্যৰ ৰশ্মিয়ে সৃষ্টি কৰা ছাঁক ব্যৱহাৰ কৰিছিল।
Khufu ৰ পিৰামিড
গিজাৰ তিনিটা মহান পিৰামিডৰ ভিতৰত Khufu ৰ পিৰামিড ইজিপ্তৰ আটাইতকৈ ডাঙৰ আৰু ওখ পিৰামিড। যাক মিচৰৰ মহান পিৰামিড বুলিও কোৱা হয়। এই গ্ৰেট গিজা পিৰামিডৰ উচ্চতা ৪৮১ ফুট যদিও পিৰামিডৰ ওপৰৰ অংশৰ প্ৰায় পঁচিশ ফুট তললৈ পৰি যোৱা বাবে ইয়াৰ উচ্চতা এতিয়া প্ৰায় ৪৫৫ ফুট হৈ ৰৈছে। এই পিৰামিডৰ তলৰ অংশ 13 একৰ এলেকাত বিস্তৃত, য’ত ষোল্লখন ফুটবল খেলপথাৰ বনাব পাৰি। এই পিৰামিড নিৰ্মাণৰ বাবে প্ৰায় এক লাখ শ্ৰমিক নিয়োগ কৰা হৈছিল।
তিনিটা মহান পিৰামিড-Khufu ৰ পিৰামিড
গিজাৰ বৃহৎ পিৰামিডৰ ওপৰলৈ যাবলৈ প্ৰায় দুশ তিনিটা চিৰি আছে যদিও এই চিৰিবোৰত উঠি ওপৰলৈ যাবলৈ কাকো অনুমতি দিয়া হোৱা নাই। এই চিৰিবোৰৰ সংখ্যাৰ পৰাই অনুমান কৰিব পাৰি যে এই পিৰামিডটো আচলতে কিমান ওখ হয়! ইমান ওখ পিৰামিডটো দেখিলে স্বাভাৱিকতে মনলৈ অহা প্ৰশ্নটো হ’ল এই গধুৰ শিলবোৰ কিদৰে কোনো যন্ত্ৰ অবিহনে প্ৰাচীন কালত ইমান উচ্চতালৈ তুলি নিয়া হৈছিল!
Khufu ৰ পিৰামিডৰ ভিতৰত তিনিটা মাটিৰ তলৰ খালী ঠাই পোৱা গৈছিল যিবোৰক বেছমেণ্ট (ভূগৰ্ভ কোঠা) বুলি কোৱা হয়। এই তিনিটা বেছমেণ্টক মূল কোঠা, ৰজাৰ কোঠা আৰু ৰাণীৰ কোঠা নাম দিয়া হৈছিল। এই পিৰামিডসমূহ ৰজা Khufu আৰু তেওঁৰ ৰাণীৰ মামি সংৰক্ষণৰ বাবে নিৰ্মাণ কৰা হৈছিল। কিন্তু আচৰিত কথাটো এই যে ইয়াৰে তিনিওটা কোঠাতে কোনো মামি পোৱা নগ’ল। যাৰ বাবে অনুমান কৰা হৈছে যে ৰজা-ৰাণীৰ মামিবোৰ আন ঠাইত নিৰাপদে লুকুৱাই ৰখা হৈছে। দীৰ্ঘদিন ধৰি সেই মামি বিচাৰি উলিওৱাৰ বাবে অহৰহ প্ৰচেষ্টা চলিয়ে আছে।
এই পিৰামিডৰ ভিতৰত ৰজাৰ কোঠাত উপনীত হ’বলৈ অতি পাতল আৰু সংকীৰ্ণ বাট এটাৰে যাব লাগে। কাৰণ ভিতৰলৈ যোৱা মূল গেটখন পৰ্যটকৰ বাবে বন্ধ কৰি দিয়া হৈছে। কিন্তু আন এটা পথো আছে যাক Robust Tunnel বুলি কোৱা হয়। এই পথেৰে পৰ্যটকক ৰজাৰ কোঠালৈ যাবলৈ অনুমতি দিয়া হৈছে। ৰজাৰ কোঠা ৰঙীন গ্ৰেণাইটেৰে নিৰ্মাণ কৰা হৈছিল। নিৰ্মাণত ব্যৱহাৰ কৰা শিলবোৰ অতি ডাঙৰ ডাঙৰ আছিল। এই কোঠাৰ বেৰত ডাঙৰ ডাঙৰ শিলবোৰ ইমান পৰিপাটিকৈ ৰখা হৈছিল যে দুটা শিলৰ মাজত একেবাৰে ফাঁক দেখা নাযায়।
ইয়াৰ লগতে ইয়াত এটা বিশাল শিলৰ কফিনো পোৱা গৈছে, কিন্তু এই কফিনৰ ভিতৰত ৰজাৰ কোনো মামি নাছিল। শিলৰে নিৰ্মিত এই কফিনৰ ওপৰৰ অংশটো ভাঙি গৈছিল, যাৰ বাবে অনুমান কৰা হৈছে যে কোনো এটা সময়ত হয়তো পিৰামিডত লুটপাত কৰাৰ চেষ্টাও চলোৱা হৈছিল। কোঠাৰ ভিতৰলৈ যোৱা পথটো অতি সংকীৰ্ণ হোৱাৰ পিছতো ইমান ডাঙৰ শিলৰ কফিন এটা কেনেকৈ চেম্বাৰৰ ভিতৰলৈ লৈ যোৱা হ’ল সেয়াও এক আচৰিত কথা। এইটোও মিচৰবাসীৰ এটা ৰহস্য। কিন্তু কিছুমান পুৰাতত্ত্ববিদৰ মতে প্ৰথমে কফিনটো ইয়াত ৰখা হৈছিল, তাৰ পিছতহে নিশ্চয় কোঠাৰ বাটটো নিৰ্মাণ কৰা হ’ল।
ৰজা Khufu ৰ পিৰামিডটো চকুৰে ঢুকি পোৱাতে শেষ নহয়। আচলতে ইয়াৰ তলৰ অংশটো আৰু বেছি ৰহস্যৰে আৱৰা এক বিশাল জগত। ইয়াৰ ভূ-গৰ্ভত গোপন সুৰংগ আৰু গুহাৰ মায়াজাল আছে। গৱেষণাৰ সময়ত গৱেষক ড০ কলিন্সে পিৰামিডৰ প্ৰৱেশদ্বাৰৰ তলত এটা গোপন সুৰংগ পথ আছে বুলি জানিব পাৰিছিল। আচলতে গৱেষক ড০ কলিন্সে এই বিষয়ে তেতিয়া গম পাইছিল যেতিয়া তেওঁলোকে তাত থকা এটা ফাটৰ বিষয়ে তদন্ত কৰি আছিল। ইয়াৰ পিছত তেওঁলোকে গম পালে যে এই ফাটটো গৈ এটা অতি বৃহৎ গুহাত লগ হয়। কিন্তু তালৈ যোৱাটো ইমানো সহজ নহয়।
পিৰামিডৰ তলৰ পৃথিৱীখন আৰু ভয়ংকৰ আৰু বিপদজনক। কাৰণ বাটত এনে বহুতো গাঁত আছে, য’ত পৰি মৃত্যুবৰণো কৰিব লগা হ’ব পাৰে। বিষাক্ত মকৰা আৰু বাদুলিয়ে এই ঠাইক নিজৰ ঘৰ কৰি লৈছে। কোনো প্ৰত্নতত্ত্ববিদ আৰু বিজ্ঞানীয়ে ১৯৮০ চনৰ আশে-পাশে গোপন সুৰংগটোৰ ভিতৰলৈ এটা ৰবট কেমেৰা পঠাইছিল। য’ত অলপ দূৰ যোৱাৰ পাছতে দুৱাৰ এখন দেখা গৈছিল। এই দুৱাৰখনত দুটা হুক আছিল। ইয়াৰ পিছত এই গৱেষণাৰ কাম ইয়াতেই বন্ধ কৰি দিয়া হৈছিল।
কিন্তু ২০০১ চনত পুনৰ এই গোপন দুৱাৰখন খুলিবলৈ চেষ্টা কৰা হ’ল। এইবাৰ বিজ্ঞানীসকলে এনে কেমেৰা বনালে যিয়ে দুৱাৰত বিন্ধা কৰি ভিতৰলৈ যাব পাৰে, কিন্তু যেতিয়াই এই কেমেৰাটো ভিতৰলৈ পঠোৱা হ’ল কেমেৰাটোৱে একোৱে ৰেকৰ্ড কৰিব নোৱাৰিলে বৰঞ্চ কেমেৰাটোহে নষ্ট হ’ল। যিটো বিজ্ঞানীজনৰ বাবেও আচৰিত ধৰণৰ আছিল। এইদৰে সেই বন্ধ দুৱাৰৰ আঁৰৰ ৰহস্যটো সমাধান কৰিব পৰা নগ’ল।
কিন্তু এতিয়াও বৃহৎ পিৰামিডটোৰ বিষয়ে গভীৰ গৱেষণা চলিয়ে আছে। ডক্তৰ কলিন্সে নিজৰ এই গৱেষণাৰ সন্দৰ্ভত বেনেথ দ্য পিৰামিডছ্ (Beneath the pyramids) নামৰ এখন কিতাপ লিখিছে। ব্ৰিটিছ গৱেষক হেনৰী ছল্টেও (Henry salt) তেওঁৰ গৱেষণা পত্ৰত গিজাৰ গ্ৰেট পিৰামিডৰ তলৰ সুৰংগৰ বিষয়ে উল্লেখ কৰিছে। য’ত সমগ্ৰ বিশ্বৰ গৱেষক আৰু পুৰাতত্ত্ববিদসকলে কাম কৰি আছে।
Khafre ৰ পিৰামিড
এতিয়া আমি Khafre পিৰামিডৰ কথা পঢ়িম। গিজা পৰিসৰত নিৰ্মাণ কৰা তিনিটা মহান পিৰামিডৰ ভিতৰত দ্বিতীয়টো পিৰামিডক খাফ্ৰেৰ পিৰামিড বুলি কোৱা হয়। যিটো চতুৰ্থ বংশৰ ৰজা খাফ্ৰে নিৰ্মাণ কৰিছিল বাবে ইয়াক খাফ্ৰেৰ পিৰামিড বুলিও কোৱা হয়। ৰজা খাফ্ৰেই খ্ৰীষ্টীয় ২৫৫৮ চনৰ পৰা ২৫৩২ চনলৈকে ইজিপ্তত শাসন কৰিছিল। দূৰৰ পৰা চালে খাফ্ৰেৰ পিৰামিডটো মহান পিৰামিডতকৈ অলপ ডাঙৰ যেন লাগে যদিও বাস্তৱত ই যথেষ্ট সৰু।
তিনিটা মহান পিৰামিড- Khafre ৰ পিৰামিড
এই পিৰামিডৰ দৈৰ্ঘ্য প্ৰায় ২১৫ মিটাৰ। যি চূণশিল আৰু গ্ৰেণাইট শিলেৰে নিৰ্মিত। ইয়াৰ প্ৰতিটো শিলৰ ওজন দুই টনতকৈও অধিক। ৰজা খাফ্ৰেই এই পিৰামিডটোক খুফুৰ পিৰামিডতকৈ ডাঙৰ আৰু ভব্য কৰি বনাবলৈ চেষ্টা কৰিছিল। পিৰামিডটোক লুটপাতৰ পৰা বচাবলৈ ইয়াত বহুতো গোপন কোঠা আৰু চেম্বাৰ নিৰ্মাণ কৰা হৈছিল। ডাঙৰ ডাঙৰ গ্ৰেনাইট শিলৰে দুৱাৰ তৈয়াৰ কৰা হৈছিল যাতে পিৰামিডটো সুৰক্ষিত হৈ থাকে। কিন্তু ইমান নিৰাপত্তা থকাৰ পাছতো ৰজা খাফ্ৰেৰ পিৰামিডতো ডকাইতে লুটপাত কৰিছিল।
Menkaure ৰ পিৰামিড
এতিয়া জানো আহক Menkaure পিৰামিডৰ কথা। গিজা পৰিসৰত নিৰ্মিত তৃতীয় আৰু আটাইতকৈ সৰু পিৰামিডটোক Menkaure পিৰামিড বুলি কোৱা হয়। ইয়াক মিচৰৰ চতুৰ্থ বংশৰ ৰজা Pharaoh Menkaure ৰ সমাধি হিচাপে জনা যায়। এই পিৰামিড নিৰ্মাণৰ বাবে চূণশিল, ৰঙা গ্ৰেনাইট আৰু বগা চূণশিলৰ ব্যৱহাৰ কৰা হৈছিল। যাৰ উচ্চতা প্ৰায় ৬৫ মিটাৰ। মেনকোৰেৰ পিৰামিডটো বৰ আটক ধুনীয়াকৈ নিৰ্মাণ কৰা হোৱা নাই। খুফু আৰু খাফ্ৰেৰ পিৰামিডৰ তুলনাত এই পিৰামিডটো যথেষ্ট সৰু। কোৱা হয় যে যেতিয়া মেনকোৰোৰ পিৰামিড নিৰ্মাণ কাৰ্য চলি আছিল তেতিয়া মিচৰত ৰাজবংশৰ শাসন প্ৰায় অন্ত হ’বলৈ ওলাইছিল। মেনকোৰেৰ পিৰামিডে আছিল গিজাত নিৰ্মিত শেষ পিৰামিড। ইয়াৰ পিছত ইয়াত আন কোনো পিৰামিড নিৰ্মাণ কৰা নহ’ল।
তিনিটা মহান পিৰামিড- Menkaure ৰ পিৰামিড
ইয়াৰ পিছত কিছুমান ৰজাই মিচৰৰ বিভিন্ন ঠাইত সমাধি আৰু পিৰামিড নিৰ্মাণ কৰিছিল যদিও কোনো এটা পিৰামিডেই গিজাৰ তিনিটা মহান পিৰামিডৰ দৰে ধুনীয়া আৰু আকৰ্ষণীয় নাছিল। পিছলৈ ক্ৰমান্বয়ে এটা এনেকুৱা সময় আহিল যেতিয়া মিচৰত পিৰামিড নিৰ্মাণ সংস্কৃতিৰ অন্ত পৰিল। আপুনি জানি আচৰিত হ’ব যে দ্বাদশ শতিকাত ইজিপ্তৰ চুলতান Al-Aziz Uthman এ গিজাত নিৰ্মিত পিৰামিডবোৰ ভাঙি পেলাবলৈ চেষ্টা কৰিছিল। কিন্তু এই পিৰামিডবোৰ ইমানেই শক্তিশালী আছিল যে সেইবোৰ ভাঙি পেলোৱাটো ইমান সহজসাধ্য কাম নাছিল। প্ৰায় আঠ মাহ ধৰি গিজাৰ পিৰামিড ভাঙি পেলোৱাৰ প্ৰচেষ্টা চলোৱা হৈছিল। কিন্তু অতি সোনকালেই চুলতানে বুজি পালে যে ইজিপ্তৰ এই মহান স্থাপত্যবোৰ ভাঙি পেলোৱাৰ কামটো নিৰ্মাণ কৰাতকৈ অধিক কঠিন আৰু ব্যয়বহুল।
গিজা পৰিসৰত নিৰ্মাণ কৰা এইতিনিটা মহান পিৰামিড সমগ্ৰ বিশ্বতে বিখ্যাত হ’লেও এই পিৰামিডবোৰৰ লগত জড়িত ৰহস্যৰ বিষয়ে আজিও বহু মানুহ অজ্ঞ।
(আশা কৰোঁ আপুনি “গিজাৰ তিনিটা মহান পিৰামিড-History of Egypt in Assamese || Part-3” লিখনিটো পঢ়ি ভাল পাইছে। যদি আপুনি লিখনিটো পঢ়ি ভাল পাইছে, তেন্তে ইয়াক আপোনাৰ বন্ধুবৰ্গৰ সৈতে share কৰক। আপোনাৰ মূল্যৱান সময় উলিয়াই “গিজাৰ তিনিটা মহান পিৰামিড-History of Egypt in Assamese || Part-3” লিখনিটো পঢ়াৰ বাবে আপোনাক বহুত বহুত ধন্যবাদ। লগতে কিবা দিহা পৰামৰ্শ বা কিবা জানিব লগীয়া থাকিলে আমাৰ সৈতে যোগাযোগ কৰক।)
