হনুমানৰ বিষয়ে বিশ্বাস কৰা হয় যে তেওঁ এজন চিৰ ব্ৰহ্মচাৰী। কিন্তু ভাৰতৰ কিছুমান ঠাইত বিশেষকৈ তেলেংগানাত হনুমানক বিবাহিত বুলি গণ্য কৰা হয়। এই অঞ্চলসমূহত প্ৰচলিত বিশ্বাস অনুসৰি হনুমানৰ পত্নীৰ নাম সুৱৰচলা আৰু তেওঁ সূৰ্য্য দেৱতাৰ কন্যা। ইয়াত হনুমান আৰু সুৱৰচলাৰ এটা প্ৰাচীন মন্দিৰ অৱস্থিত। ইয়াৰ উপৰিও পৰাশৰ সংহিতাত হনুমান আৰু সুৱৰচলাৰ বিবাহৰ কাহিনীও আছে।

হনুমান আৰু তেওঁৰ পত্নী সুৱৰচলাৰ মন্দিৰ তেলেংগানাৰ খাম্মাম জিলাৰ এটা প্ৰাচীন মন্দিৰ। ইয়াত হনুমান আৰু তেওঁৰ পত্নী সুৱৰচলাৰ প্ৰতিমূৰ্তি আছে। হনুমান আৰু তেওঁৰ পত্নীক যিয়েই দেখে, সেই ভক্তসকলৰ বৈবাহিক জীৱনৰ সকলো কষ্ট দূৰ হৈ পতি-পত্নীৰ মাজত প্ৰেম ৰৈ যায় বুলি বিশ্বাস কৰা হয়। খাম্মাম জিলা হায়দৰাবাদৰ পৰা প্ৰায় ২২০ কিলোমিটাৰ দূৰত্বত অৱস্থিত। 

বাকী ৪টা দৈৱিক বিদ্যাৰ জ্ঞান কেৱল বিবাহিত শিষ্যকহে দিব পৰা যায়। হনুমান এজন চিৰ ব্ৰহ্মচাৰী আছিল, যাৰ বাবে সূৰ্য্য দেৱে তেওঁক বাকী চাৰিটা বিদ্যাৰ জ্ঞান দিবলৈ সক্ষম হোৱা নাছিল। এই সমস্যা সমাধানৰ বাবে সূৰ্যদেৱে হনুমানক বিয়া কৰাবলৈ পৰামৰ্শ দিলে। প্ৰথমতে হনুমানে বিয়াত সন্মতি দিয়া নাছিল, কিন্তু যিকোনো উপায়ে তেওঁ বাকী ৪টা বিদ্যাৰ জ্ঞান লাভ কৰিব বিচাৰিছিল। ইয়াৰ বাবেই তেওঁ অৱশেষত বিয়াত সন্মতি দিলে।

হনুমানে যেতিয়া বিবাহত সন্মতি দিলে, তেতিয়া তেওঁৰ বাবে যোগ্য কন্যা বিচৰা হ'ল আৰু সূৰ্য্য দেৱতাৰ কন্যা সুৱৰচলাত অনুসন্ধানৰ অন্ত পৰিল। সূৰ্য্য দেৱে হনুমানক কলে যে সুৱৰচলা পৰম তপস্বী আৰু তেজস্বী আৰু ইয়াৰ উজ্জ্বলতা কেৱল তুমিহে সহ্য কৰিব পাৰিবা। সুৱৰচলাক বিয়া কৰাই বাকী ৪টা দৈৱিক বিদ্যাৰ জ্ঞান লাভ কৰিবলৈ তুমি যোগ্য হৈ পাৰিবা। সূৰ্য্য দেৱে লগতে ক'লে যে সুৱৰচলাৰ লগত বিবাহ কৰাৰ পিছতো তুমি সদায় চিৰ ব্ৰহ্মচাৰী হৈয়ে থাকিবা, কাৰণ বিয়াৰ পিছতে সুৱৰচলা পুনৰ তপস্যাত মগ্ন হব।

এই সকলোবোৰ কথা জানি সূৰ্য্য দেৱে হনুমান আৰু সুৱৰচলাক বিয়া কৰাই দিলে। বিবাহৰ পিছত সুৱৰচলাই তপস্যাত ডুব গ'ল আৰু লগতে হনুমানে গুৰু সূৰ্যদেৱৰ পৰা বাকী ৪টা বিদ্যাৰ জ্ঞান লাভ কৰিলে। এইদৰে বিয়াৰ পিছতো হনুমান চিৰ ব্ৰহ্মচাৰী হৈ থাকিল।

(আশা কৰোঁ এই লিখনিটো পঢ়ি আপুনি ভাল পাইছে, যদি পঢ়ি ভাল পাইছে তেন্তে ইয়াক আপোনাৰ বন্ধুবৰ্গৰ সৈতে share কৰক। আপোনাৰ মূল্যৱান সময় উলিয়াই লিখনটো পঢ়াৰ বাবে আপোনাক বহুত বহুত ধন্যবাদ।)